• chu

မြင်းစီး ခရီးသည်




အိပ်ရတဲ့ ညတွေက ကိုယ့်တစ်ယောက်တည်းအတွက်ချည်း


စဉ်းစားရတာမျိုး မဟုတ်တော့ဘူး



အဖြူရောင် အမှိုက်တွေ ကြဲထားတဲ့ ကွန်ကရစ်လမ်းတွေပေါ်လည်းလျှောက်


မျက်လုံးကို အရည်စွတ်ပြီး အိပ်ရတဲ့ ညတွေလည်း ရှိခဲ့ပြီ



တစ်ခါတစ်ခါတော့ နောက်ကလိုက်နေတဲ့ အတိတ်အပိုင်းအစတွေထဲက


လူတစ်ယောက်ကို အောက်မေ့မိပါရဲ့



မှန်နေပေမယ့်လည်း ခေါင်းညိတ်ပြီး မှားပါတယ်လို့


ရေလိုက်ငါးလိုက် နေလည်း တတ်လာပြီ



ပါးစပ်တွေ ဟောင်းလောင်းပွင့်ကျလာရလောက်အောင်


မျက်လှည့်ဆရာက မှော်အစွမ်းတွေ ပြတတ်တာကို


ရိပ်ပါးစွန်းချည်လောက်တော့ သိလာပြီ



ဘာဆက်လုပ်ရ ကောင်းမလဲလို့


မိနစ်တွေတိုင်း တွေးတွေးပြီး


လမ်းအဟောင်းတွေပေါ်ပဲ ပြန်ပြန်လျှောက်နေမိတယ်



အတိတ်ထဲမှာ နေတဲ့ သူတွေဆီ ခဏခဏ


အလည်သွားရင် ကိုယ့်ကိုကိုယ်


ဖုန်တက်နေစေခဲ့တာလား


မသိလိုက်ဘူး


ဟူးးးးးးးးးးးးးးးးးးးးးးးး


ရှေ့တော့ ဆက်နေရဦးမှာပါပဲ


ဘာတွေ ဖြစ်လာမလဲသာ


မသိတာ


စီးကောင်းတုန်းတော့ ဒီမြင်းကို ဆက်စီးလိုက်ဦးမယ်လေ

8 views1 comment

Recent Posts

See All

© 2023 By Lion with a Flowing Mane.

All Myanmar Image Courtesy by Chu May Paing.