• chu

တကျော့ပြန်




နီတချို့ ပြာတချို့ တိမ်များး


ယိမ်းနွဲ့နွဲ့ လေတိုက်တိုင်း နွဲ့နေတဲ့


အုန်းလက်တံရှည်များ


တဒေါင်ဒေါင် တဒင်ဒင် မြည်တဲ့


ညညဆို ကြားရတတ်တဲ့


ကွဲရှရှ ဂစ်တာသံများ


ဘာရယ်တော့ မဟုတ်


လေသာ ပြတင်းဝကနေ


ငေးမော ရင်ခုန်ဖူးတဲ့ အနက်ရောင်ညများ


တစ်ရေး နိုးချိန်က အားလုံး အိပ်မက် မက်နေချိန်မို့


တိတ်တိတ်ကလေး ခြေဖျားထောက်ပြီး စိတ်လှုပ်ရှားဖူးတဲ့ အချိန်


ဘာဖြစ်လာမယ်မှန်း မသိ


လက်ရှိမှာသာ ကြည့်နူး ရယ်မောနေတတ်ခဲ့တဲ့ မိနစ်များ


အလှဆိုတာ မသိ အပဆိုတာ အဝေး


လွယ်အိတ်တစ်လုံး ပုခုံးထက်


ဒေါက်ဖိနပ်တစ်ရန်နဲ့ ကိုယ့်ကိုကိုယ်လည်း ပြန်မြင်မိရဲ့


ထမင်းတစ်လုပ်ဆိုတာ


ဘယ်နေရာ ဝင်စားစား ရနေခဲ့တဲ့ ကာလမျိုး


မိုးလင်းမိုးချုပ် ဒီမျက်နှာပဲ မြင်နေခဲ့ရပေမယ့်


မငြီးငွေ့ခဲ့တဲ့ နေ့ရက်များ


ပတ်ဝန်းကျင်က ကဲ့ရဲ့လောက်တဲ့ အလုပ်မျိးကို


ယုံကြည်ချက်ရှိရှိ ဖောက်ဖျက်နေခဲ့တဲ့


အမှောင်နေ့များ



အားလုံးဟာ ဒီနှစ်နဲ့ အတူ လွင့်မျောမသွားပါဘူး


ကျွန်မနဲ့အတူ သေသည့်တိုင်

8 views0 comments

Recent Posts

See All